Geguritan Kanggo si M

Layang Kanggo si M

Apa salahku?

Apa salahku??

Apa salahku???

Marang sliramu…

Nganti tega ngrusak pager ayu bale wismaku.

                Telung taun sliramu  ngubek-ubek panguripanku,

                Ngepyuri tresna kanggo sisihanku,

                Nganti dumadine prastawa ‘iku’…

Ora kurang olehku nyancang,

Ora prei nggonku leladi,

Nanging akhire…             

Atiku kecacah ajur mumur,

Kadya kejegur sumur, ambyur,…

 ora bisa bali mendhuwur.

Saiki,

Ndelika ing pucuk gunung

Nyilema ing dasar samudra

Aku wis ora maelu

Aku ora ngaru biru.

Nanging elinga,

Gusti Kang Maha welas ora sare

Entenana piwalese!